كيفية إعداد قلاية زعرة بلحم العلوش | المطبخ التونسي ‏

عيد الأضحى  او العيد الكبير  كما يحلو للبعض تسميته معروف باللمّة.. واللمّة ما تحلى في تونس كان بصحّين القلاية، صحّين متنوش مالعلوش وفوقو المعدنوس مرشوش 

 1-المقادير 

رشة فلفل أكحل

رشة ملح

زيت زيتونة

1/2 ملعقة كركم

بصل مقصوص جويد

كيلوغرام لحم علوش

2 كلوة علوش

قلب علوش

كبدة علوش

معدنوس مقصوص

1/2  قارص مقصوصة طرنشات

(فما اشكون يحبها حمرة شوية ممكن نحطو ملعقة قهوة طماطم نصف ملعقة قهوة هريسة عربي)

2-طريقة التحضير

قلّي في طنجرة الزيت + بصل + لحم + كركم + ملح وخليه يطيب نص طياب

زيد الكبدة + قلب + كلاوي علوش وحركهم وخليهم يطيبو

أعمل رشة فلفل أكحل في الطنجرة وحركها وهبطها من فوق النار

القلاية حاضرة وما ناقصها كان رشة معدنوس وبصل + طرنشات القارص وصحّة وبالشفاء

وصحة بالشفاء و عيدكم مبارك إن شاء الله