أخطر تدوينة ينشرها هيثم المكي حول ما سيحدث في تونس من تحركات تاريخية في قادم الأيام
موقع "مجتهد": كتب المدون هيثم المكي - كلمتين ماهمش خفاف و ماهمش نظاف، أما لازم يتقالوا : البلاد هاذي ماشية في هاوية، و حكامها شيء ماهوش واعي بهذا جملة، شيء واعي و متملح، خاطر مركز حصريا في مشاكله و منصبه و امتيازاته، المهم الكرسي و الحصانة، حتى كانو عرش ملك الرماد.
الحاجة الوحيدة اللي تنجم تصلح الوضعية نسبيا (و موش مؤكد) هي تحرك شعبي كبير للمطالبة بانتخابات مبكرة، على الأقل تشريعية، بعد تعديل النظام الإنتخابي.
من غير هذا، ماشين مباشرة للإفلاس و الإنفجار الإجتماعي، و يا صوملة، يا ديكتاتورية جديدة، يا استعمار غير مباشر متعدد الجنسيات، و ممكن ياسر زوز منهم.
يا نفيقو على وضعنا، و ناقفو لهم جميع، يا نقعدو كالعادة، كل واحد يدافع على عشيرته، و الزوز ميترو اللي دايرين بيه، حتى تغرق الفلوكة بينا الكل.
و لكم سديد النظر.
