موقع "مجتهد": كتب الأستاذ منير بن صالحة - مشيت البارح ل pâtisserie في المنزه نحبها ياسر خاتر تذكرني بايامات الكلية و مولاتها مرا طيبة ياسر و كانت ديما تدعيلي بالنجاح و انا طالب، و زيد عندي مدة ما شريتش منها ، مشيت لل pâtisserie خذيت الي حاشتي بيه فرحو بيا و انا خارج تلفت و قلت للسيد الي على الكاسة بربي سلم على الحاجة عندي مدة ما ريتهاش جاوبني قالي الحاجة ماتت بالكورونة الاسبوع الي فات تصدمت قتلو اعطيني نومرو ولدها خلي نكلمو قلي ولدها حتى هو مات عندو نهارين بالكورونا زدت دخلت بعضي مشيت للدار نشق في الفطر نلقى خويا متقلق شبيك ؟ قالي صاحبو يقرّي معاه مات نهارتها بالكورونا مشيت للقهوة تقابلت مع 3اصدقاء صدقوني الثلاثة صحابهم ماتو في نفس اليوم بالكورونا ....
يعني الموضوع لا يستحق الى إحصاء و سبر و توقعات خاتر انا شخصيا و نمثل عينة بسيطة حضرت على خبر متع 6 موتى في نهار واحد ، هذا طبعا بخلاف المرضى الي ما يحكيوش و الا موش فايقين برواحهم .
..كيف نشوف هذا الكل و نذكر الي الحكومة هذي قبل الموجة الثالثة عاطية ترخيص لأكبر الاحزاب بش يتضاهرو بالآلاف في الشارع و بش يفيسو على بعضهم شكون الي عبى الشارع اكثر من لاخر نفهم وقتها الي يلزمنا إما اسقاط نظام الحكم أو مغادرة البلاد بلا رجعة .