موقع "مجتهد": كتب سمير الوافي - الليلة فايسبوك شايخ بالمليارات اللي باش يتم إسترجاعها من رجال أعمال...13 ألف مليار قروض منهوبة...الناس الكل تحسب وتتخيل ومتخمرة...وخرجت القايمة متاع العادة اللي تدور عندها عشرة سنوات...قائمة طويلة وعريضة متاع رجال أعمال متهمين من طرف المحاكم الشعبية بالنهب والسرقة والفساد...دون أحكام قضائية باتة وإدانة ثابتة...وفي التخميرة هذي والحالة العاطفية هذي العقول تتعطل...ولا يسمع أحد صوت الحقيقة وسط الهتاف والصخب...!!!
القائمة عندها عشرة سنوات...وفي العشرة سنوات هذي...فمة اللي توفاو الله يرحمهم...وفمة اللي خلصو ديونهم للبنوك وخذاو رفع يد...وفمة اللي برأهم القضاء...وفمة اللي مازالو يخلصو بعد إعادة جدولة...وفمة اللي عندهم مشاكل أو صعوبات أو قضايا أو أحكام تُنفذ...يعني هذه القائمة ليست على حالها كما كانت منذ عشرة سنوات...وهذا التشهير بالجميع على بعضهم بدون فرز...هو ظلم وتشويه وتجريح للبعض...لكن هذا لا يعني أنه لا يوجد نهب وفساد وسرقة...لكن كشفها يحتاج إلى تحري وعدل وعدالة...وليس بالمزاج الشعبي فقط...!!!
نحن الآن في حالة عاطفية وحماسية عالية...ومعنوياتنا رفعها الأمل الذي بثه الرئيس في نفوس محبطة...وننتظر كل لحظة قادمة حبلى بالتغيير...لكن هذا لا يجب أن يعطل العقل ويجمد التعقل فينا...فنتحول إلى وحوش متعطشة للدم...تستمتع بمنظر الجراح النازفة...فيعمينا الحقد عن رؤية الحقيقة والنقمة عن تمييز الحق...!!!
ليس سهلا أن يتحول التوانسة في نفس اللحظة من شعب غاضب ساخط...خرج الى الشارع يوم 25 جويلية ليزلزل الدنيا تحت كراسي الحكام هادرا ثائرا...إلى شعب يحتفل ويهتف ويفرح في نفس الشوارع ونفس اليوم...وينتقل من حالة الإحباط إلى حالة الأمل في لحظات...من قاع اليأس إلى قمة الأمل...لكن زمن المعجزات موجود في الخيال...والمليارات لن تسقط من السماء...عمل جبار وصعب ينتظر هذه البلاد...لترمم ما خربوه وتبني ما دمروه وتسترجع ما نهبوه...ربي مع تونس...ومع الصادقين والمخلصين في حب وخدمة تونس...!!