موقع "مجتهد": كتبت النائبة السابقة صابرين القوبنطيني - قالك السيد متع دبو الحديد متع فوشانة طلع امورو قانونية، معمل الحديد متع زغوان صرحت النيابة انه لم يتم الحجز "بصفة فعلية"، البطاطا متع منوبة يبدو كيف كيف، عركة في الافق مع ليبيا، تسليم لاجئ تحت حماية اتفاقية جينيف، افلام على زيت الحاكم وبعد ما فماش، ماء دبابز مقطوع، ما فماش حكومة، ما فماش برنامج اقتصادي، ما فماش رؤيا واضحة والا روزنامة، والفيراج يصفق. الناس هاذي هدفها الوحيد الشمايت والتشفي، ما تلوجش في نتيجة فعلية، وحتى كاان بعاد ياسر على هدفهم الاصلي والمنشود، وهو الغاء حركة النهضة من المشهد السياسي، (تي بالعكس النهضة اليوم هي المستفيد الاكبر، وقلتها مالنهار الاول، نسيتوها جملة) ما يهمهش، اعطيهم هتك الاعراض وسبان الناس يمينا وشمالا واتهامهم بوه على خوه بالفساد. عادي باش ناكلوا السب، ما عندناش نفس التفكير ولا المنطلقات ولا الهدف للبلاد يبدو. كانهم زوز مالناس يتواصلوا بزوز لغات لا علاقة ببعضهم. احنا منطلقنا علوية القانون والدستور وكونية حقوق الانسان واصلاح الاقتصاد وازدهار البلاد والتسامح وقبول الاخر، وهوما منطلقاتهم عاطفية سطحية وانانية. اقعدوا صفقوا، صحة وبالشفاء، après tout القفة والتبندير هي حرية شخصية وحرية تعبير، وسبوا الناس وسيبوا عليهم غلكم وحقدكم، وباش نقعدوا نراقبوا وننقدوا ونعارضوا طالما "الطريق ركازي والبهيم دعثار" كيما يقولوا ناس بكري، وبيناتنا "الانجازات" الفعلية واللي مخبيه المستقبل.