↔
الفنانة هاذي اذا تخدم في الشهر 15 سهرية فقط تحصد 115 الف دينار شهريا، دون الحديث عن حفلات الزفاف والحفلات الفنية الكبرى في المهرجات ودون احتساب ميسرة الصيف وفازات الانستغرام ربي يزيد ويبارك.
بعملية حسابية بسيطة الفنانة هاذي بالمرتاح تعمل مردودية مالية لا تقل عن 3 مليارات في العام.
نجيو للسؤال الاهم قداش تدفع ضرائب المواطنة هاذي. الاجابة بتعبير الصافي سعيد ولاشي ولاشي.(مبالغ تضحك وتبكي في نفس الوقت)
الخلاصة: أكبر كارثة في تونس هي التهرب الضريبي والغش الجبائي.(المنظومة الجبائية فاسدة هذا دون الحديث عن المنظومة الادارية والسياسية)
الدولة بالفلاقي مسلمة في فلوسها ونازلة فقط على الأجراء من أصحاب الدخل القار والمحدود.(70 بالمائة من عائدات الجباية جاية منهم)
في 3 سنين لو تصير حرب على التهرب الضريبي نجمو ندخلو مليارات متلتلة فقط يلزم تفويرة في وزارة المالية (الحرس القديم يطير) ويتم تعزيز السلك بما لا يقل عن 4000 عون جدد توفرهلهم الدولة امكانيات كبيرة لوجستية ومالية ودعم سياسي حقيقي وتصير اصلاحات تشريعية جبائية ثورية تكرس العدالة الاجتماعية.
بالنسبة للحيتان الكبيرة(جماعة مليارات المليارات حسب تعبير الرئيس سعيد) فما حلين ، الدولة تعمل جرد لممتلكاتهم وفلوسهم في الداخل والخارج وتقدر حجم التهرب الضريبي والاموال المهربة بشكل غير قانوني يا اما يدفعوا ويلقاو تسوية يا اما فما قانون ينص على اليات فرض ضريبة على الثروة. واللي استفادو من صفقات مشبوهة ومن عقود لزم فاسدة ومن قروض عمومية الكل تتحل ملفاتهم عن بكرة أبيهم.
اللي يمشي لصندوق النقد الدولي وفلوس الدولة متاعو ضايعة في بلادو عمرو ما ينجم يعمل حاجة تصلح للمجموعة الوطنية.في الوقت اللي فما 400 الف تلميذ حسب نقابات التعليم لتو ما رجعو يقراو بسبب نقص الاطار التربوي.
انتظرونا بداية من يوم الغد في سلسلة جديدة من التحقيقات على موقع الكتيبة التي ستكتشفون فيها العجب العجاب.
وسلمولي على الاعلام اللي موش من دورو الارتقاء بالذوق العام. 😉😉😉